喺西元二○○八年十一月廿九號嘅呢個早上，難得地九點一出門口唔打的士都可以喺九點半前返到公司。啊，聽日就三十號，月票到期了。

今朝見咁遲出門，算啦，反正都會遲了，去坐544行少兩步路啦——我心諗。差啲去到車站嗰陣，見到有部544開出喺紙小門口轉U-turn，習慣性哋衝埋去，明明預咗佢唔會停嘅，今日個司機又特別好人噉輕輕踩踩個brake畀人上喎，噉就梗係皆大歡喜啦！唔知關唔關經濟唔景氣事呢。

部544開得出奇哋快，唔使十分鐘就去到禮崗站了，手中嘅張小嫻散文先翻煲咗冇幾頁就要落車了。如嗰呢個時間行返去都重嚟得切嘅，如嗰等部546轉一個站噉就要聽天由命了——我心諗。不過又咁啱得咁巧，見到前兩個車位就有部546了，雖然逼到幾乎上唔到，不過都好彩係幾乎，唔係完全。

上咗車打埋卡，88文90次嘅月票卡畀我用到重剩22次，都抵啦。喺門口個位夾咗一個站，喺我隔離同我一樣後嚟先上嘅另一個女人喺差唔多到站之前同個司機講“司機唔該開開前門啊，有落啊！”哇！同道中人，匆匆來匆匆去占埋嗰一個站便宜，肯定又係啲月票次數重有剩用唔晒嗰啲人了——我心諗。今日546個司機又難得哋講廣東話兼難得地好人，叫咗句“小心開門夾到啊”就開咗個前門畀我哋落。真係好彩啊！平時有啲司機會話“上唔到人啦”就唔開前門，夾硬要你撞去後門落。今日呢兩趟車坐得真係抵啊——冇辦法唔噉諗，鬼叫而家經濟唔景氣咩。

如果日日噉坐，張月票卡就可以用得盡囉，不過可能係週六啲時間先會咁fit嗟。聽日就三十號了，重有廿二次，冇理由真係廣州一日遊坐哂佢吧……唔知其他人點用嘅呢。聽日就三十號了，弊！我重未充12月嘅月票……

呢個星期係一個充滿寒氣嘅星期，個天陰陰凍，剛剛過咗一個難得應節嘅大寒。

整個中國都進入咗50年難得一遇嘅災難性寒冷天氣，道路交通癱瘓造成好多外地從業者無法回家。喺我公司，就有一位外國朋友，以後都返唔到屋企了。

上週六嘅意外令我哋再一次深切噉體會到生命誠可貴。然而，對於一個就快過27歲生日正值花樣年華嘅後生仔嚟講，用生命去換教訓呢個代價實在太大了。相信霎時間都冇咩人可以接受到，更感惋惜嘅係收到消息話今日中午佢家屬終於決定關閉儀器放棄治療。但我哋又可以做得咩呢？我哋都係幾咁渺小。

唔係！我哋一啲都唔渺小！我哋嚟得呢個世界，就已經背負住一個使命。無論呢個使命係乜嘢，我哋都要完成佢先死得眼閉！Josh完成咗佢嘅使命未呢？唔知。但我覺得未！對於生者抑或死者，離開嘅意義唔同。帶住未完成嘅使命離開，可能放棄就係解脫，留低喺每個人心中嘅遺憾，呢啲種種種種嘅情緒Josh都已經feel唔到了，我哋重可以苟求佢啲乜呢？

對錯、責任，對於唔知真相嘅我哋嚟講，多番辯論、猜側，可能係一種不敬。我諗到嘅係，我要多謝佢。多謝佢之前畀我哋帶來嘅歡樂同不便，亦都多謝佢同我哋上咗生動嘅一課。喜歡嬉笑嘅我總係開玩笑噉刻意唔用“活生生”而用“血淋淋” 嚟形容事實，而今次咁血淋淋嘅事實，就不禁令我感歎，我哋而家係幾咁幸福。

至少還在世上，至少還被感知，不論唯心定係唯物，我哋都係血淋淋噉存在住。我哋應該積極啲，生活就係要積極啲，抓緊時間，先至可以更好噉完成我哋人生嘅使命，活得更有意義。

喺尋日公司組織嘅探病時間，我不斷噉回想我每一次見到Josh嘅情景，忽然發現，我見到最多嘅畫面係佢坐喺21樓辦公區最後嗰個位塞住headphone認真做嘢個樣。我打消咗入去見佢“最後一面”嘅念頭，我寧願，我見佢嘅第一面、最後一面、每一面都係坐喺21樓辦公區最後嗰個位塞住headphone認真做嘢個樣。希望佢唔會怪我，因為噉樣，我會安慰噉感覺到，係生命嘅最後一刻，佢重喺度完成緊佢嘅使命，繼續、努力、認真完成緊……

 

 

http://user.qzone.qq.com/273669013  Yucky X.Y. ZHAO   08-01-24

九月一日係中小學生開始新學期嘅一日，亦都係我工作歷程新嘅一日。

 

雖然係一個星期六，但係對於我嚟講，呢個唔係一個普通嘅星期六，因為過咗呢個星期，下一個星期一開始就去新公司返工嘞！

 

萬萬冇諗到嘅係，去新公司後第一個任務就係執嘢。又要整理資料了，每一日都過得好充實，或者可以講好忙。因為公司要擴大規糢，啓用新嘅辦公室，而我嚟呢度首先入職嘅崗位就係新辦公室文員。

 

我到底適唔適合做OL呢？又諗起家姐講嘅嗰句話。

 

新辦公室雖然祗係比舊辦公室高一層，但係兩個辦公區域嘅氛圍係唔同嘅，不過點都好，我有驚人嘅適應力，使乜驚？！

 

雖然前路一樣迷惘，但係噉樣先可以由我創（創傷）！

 

PS.九月十日，教師節，上新辦公室，開學第一節課。無獨有偶，怎一個“巧”字了得？

8月8號~一份積聚咗成個星期心血嘅標書送到東莞~亦都意味着考完試以來嘅忙碌工作安排可以告一段落喇~

考試?~梗係pass晒啦~素描70~速寫82~色彩84~英語80~中國美術史67~~9月第二個weeken要返去報到了~

咁耐以嚟一直都唔得閒理搵工嘅嘢~一個學期過去了~都未搵返室內設計類嘅job~就算有~人哋都要有experience嘅~

終于等到忙到唔忙嗰日了~嗱嗱聲上網search~send resume~發咗十幾份求職E-mail出去~跟住唯有等回音了~

第二日又send咗啲~晏晝就接到一個telephone call~叫我星期五(10號)去interview~公司地點幾近美院~

Fri晏晝冇咩做早啲走去見工~經過咗half an hour嘅傾談了解~拍咗板OK喇~對方希望我可以早啲到職啫~

跟住落嚟要諗嘅就係點resign了~~~~~

上星期返嚟睇咗一下~又改版~搞到啲list嘅order亂晒~又要排返~

 

上星期無鬼聊聊~Google咗一下自己個true name~都係得自己個Space~

再search yuckyzhao~竟然見到喺一啲我唔記得係乜水嘅Space有引用~

奇！

今年~我嘅生日過得好平~都係好奔波噉~攰!好似總係未瞓够噉~

就連birthday cake都係30號嗰晚等老竇去完旅行返嚟先補食嘅~

不過~生日禮物就大份喇!~雖然係second hand~但都好啱心水~

——一部配置唔高但現時够用嘅Notebook~!!!~用咗唔少M~!!!~

 

但係~今年包包嘅生日~就充滿suprises喇~重一浪接一浪噉啊!!~

當日晏晝~貝貝好及時噉喺我哋去攞DC battery嗰陣生咗4個BB!~

嗰晚~去樂厨坊整完意大利雙層芝士蛋糕後~逛完去一級棒食拉面~

點知換新member card嗰陣發覺~夀星有嘢送~眞係好彩嘅啫~!!~

 

過咗廿三個生日了!~唔知~係咪~好似~有啲悶~

包包冇我咁幸福~所以今年生日佢就覺得好開心~

就因为噉樣就可以過得咁鬼滿足~眞係幸福嘅啫~

好似~好耐冇乜嘢好suprise了~個人~有啲麻目~

 

原來MSN喺8月1日改版~眞係女大十八變囉~~~!!!!!

不過都冇乜時間搞~連倉頡都生疏埋~

 

今日包包話邱欣搵我~原來都冇乜事~就係太耐唔見我啫~

隻衰女包竟然打啲噉嘅嘢响佢個個人簽名度:

 

一個小小嘅選擇~選咗一個大諗頭~

一個輕輕嘅决定~定出一個重擔子~

 

近排~好似唔單止我~身邊嘅朋友都發生咗好多大事件~

BBG~從今以後~佢唔再係單丁一隻豬~而係有多隻豬陪佢~~眞眞正正成為人哋姓馬嘅"豬師奶"!~

PM~就嚟永远噉離開我哋----間公司~~去一個好遠好遠嘅地方發展~呢雲眞係黑頭人送啡頭人囉~

NGF~呢個包~終於買咗屋喇~!~~雖然重有啲中介去跑嘅手續未跑晒未交樓~不過都大局已定啦!~

今日~好興奋~老竇牛一~我第一日返工~又搞𠶧咗張信用咭~~~Yeah!~

不過~好鬼忙~成堆嘢做~唔係返工多嘢~而係好多私單要做~~~Oh~No!~

哎~

尋晚個心好唔舒服~雖然冇節目聽~但都瞓唔着~主要原因係貝貝要走了~

佢唔係我嘅寵物~但見過咁多次當然都會有不舍~唔知點講~眞係唔識講~

佢爸爸~有啲皮膚問題~不過都係有貝貝之後好耐嘅事~啫唔關貝貝事嘅~

但係都為咗唔影嚮病情~要遣走貝貝~終於~貝貝要去佢大表哥個公友度~

本以為係寄養~原來係畀咗人養~都係今朝早先知~亞姨係話唔要貝貝了~

尋晚諗咗好多辦法~都冇機會用~雖然唔明點解要噉~但我可以做啲乜呢~

唯有希望貝貝唔會係可憐嘅~而係幸福嘅~更希望~有一日可以贖佢返嚟~

貝貝知唔知我哋諗嘅嘢呢~可能唔知~不過可能會知~可能佢都係噉諗嘅~

 

 

今日~係亞媽嘅假生日~之所以叫假生日~係因為今日唔係佢生日~

够晒 special 吖呢??~~講咗啲咩呢?~都係等我詳細啲講吓啦~

話說~唔記得幾時~亞媽同我講~~~

佢以前攞身份證嗰陣~啲姓乜名乜住喺邊窟嘅嘢都係手寫嘅~

唔知係record嗰個人眼大睇過龍定眼細睇唔清~抄咗亞媽2月28號生日~

我亞媽自己講~佢應該係2月8號出世嘅~當然係唔係就唔清楚喇~可能婆婆都唔記得或者冇記過~

但係喺好耐好耐以前我用過星相學中嘅星座性格去分析~

喺雙魚座同水瓶座呢兩者中~佢更似水瓶座~所以我更相信我亞媽所講~佢係2月8號出世嘅~

畢竟~佢唔記得幾時生我啫~怕且都唔會記錯自己嘅誕辰啩~

 

係呀~今日就係了~亦係一年中最短嗰個月嘅last day~眞係幾 special 噃~

人哋話~過咗年就大咗一嵗了~做咗啲乜呢?~做得啲乜呢?~

今年~其實~打算唔係冇~而係都唔知點講~算啦~都係見步行步啦~希望~~~~~

 

 

重有一樣幾 special 嘅嘢~尋日~去買咗一樣嘢~今日嘅凌晨玩咗N多個鐘~佢就係:

  WIN W31SA

我買咗部白色嘅~ 

好鬼正吓!~雖然衰衰噉乞六嚿水贖佢返嚟~不過~起碼我個人認為好值~

除咗唔可以打電話\飛短同上網所包含嘅一切function外~其它嘢都冇問題!~

功能暴強~自定羲嘅嘢超多~可滿足嘅個性化程度極高~

起碼小小嘢都可以俾我玩成晚~可見眞係可謂麻雀雖小~五臟俱全~重要畀我搵到說明書呀!~

都係記流水賬算啦~

初一

初二

初三

初四

初五

初六

初七

係囉~就係噉囉~

 

 

就係呢度嘞!~唔講噉多了~得閒入去睇下就係啦!~~唔好噉快睇住!!~未整好㗎!!!~

今年嘅國慶~過得~唔知點講~~好多莭目~但說不上充實~

還是老习慣~照舊~列流水帳~~可能唔全~唔係好記得了~

 

┏⒑⒈ 注册咗呢度~去咗攞身份證相~同包逛街時畀貓貓call咗返紙廠~
┣⒑⒉ 同初中班友去暁港焼烤場BBQ~唔算好盡興~之後去唱K~好攰~
┣⒑⒊ 盡情噉瞓啊!~晏昼打雀旭仔做輸家~晚上終於可以返屋企食飯~
┣⒑⒋ 眞眞正正relax一日~不過啊啦日日都relax㗎啦~所以冇咩意义~
┣⒑⒌ 各書聚會!~cancel咗去番禺大夫山嘅plan轉咗食雪糕同焼烤啊~
┣⒑⒍ National Day vacation以來第2個戇居居嘅休息日~當然又上Q~
┗⒑⒎ 同包包去咗革新路流前同中華廣場~唔知做乜好似成日做錯嘢~

 

呢幾日唔知咩事~經常好感触~想記底啲感性文字時又冇嘢記~

打倉頡都有進步~快咗啲啲喇~用咗成粒鐘~都係有啲想C啊!!~