2007/08/21
近日~想改進下spaces嘅版面~但可惜有啲代碼冇乜用~一係就用唔到~
anyway~mark低喺度先~亦都希望好似我咁水皮嘅web page maker可以搵到嚟呢度~啊啦寫嘅嘢會對你哋有幚助~
同時~更加之億分welcome有高手可以嚟幚啊啦補充啦~而家正式開始~
將web page設為首頁
將web page加入收藏夾
呢度举嘅example係以本站地址為例~如果唔支持javascript嘅話有啲係用唔到㗎~~!
2005/10/17
这是一份不会用电脑或不会英文的人都可以看的明白的教程~如果你不会看中文~那就爱莫能助了~
看不明白广州话方言的朋友~可以来这里查查或直接问我~看不懂英文的也可以从这里查或者问我~
呢份係一份完全傻瓜教程~嘻嘻~唔識英文唔識電腦網路術語嘅人都包識睇!~ 唔識睇廣州話嘅可以一邊查呢度一邊學!~
用呢舊嘢嘅前提係IE6或更高版本~唔支持中文版本~所有選項包括提示只顯示英文~唔識英文嘅可以一邊查呢度一邊學!~
注:〖屏幕上嘅掣〗『點擊鼠標右鍵』 ［鍵盤按鈕］ [IE浏覽器上標誌]
前 言
有人問~點樣可以截圖同貼圖~多數都系指QQ上~當然~啊啦嘅教程唔系只寫QQ上截圖咁簡單啦~重會講埋點樣可以加工下啲圖再發出~當然唔會講得太深~無圖~全文字~慢慢睇啦!~
首先~要揾到你鍵盤上嘅［Print Screen Sys Rp］制啊~~呢!~~就喺上下左右箭頭鍵打上嗰度咪有好多［End］啊［Home］啊嘅~就喺嗰度了~如果冇~噉就幫你唔到了~換鍵盤啦!~ 揾到~就可以開始我哋嘅Lesson啦~!
一 如果你嘅電腦冇任何圖片編輯軟件......
點擊Windows嘅【開始】(唔好話畀我知唔知係乜啊!)~ 喺【所有程式】度揾【附件】~再揾【畫圖】~見到未呢?~有個油漆桶圖符嗰個啊~見到就點佢啦!~
1/ 唔好問點解~總之同時㩒［Ctrl］鍵同［V］鍵~複製幅圖落去啦!
2/ 睇到張圖就OK啦!~以下將會講到放大/縮小/旋轉張圖片同畫標注~啊啦習慣用組合鍵~所以喺度就講點用鍵盤控制啦!~而且會快過用滑鼠點來點去~
3/ 要改圖片大小~畫圖入面會比較煩~同時㩒［Ctrl］同［W］就彈出一個【拉伸和扭曲】嘅對話框~【拉伸】入面【水平】同【垂直】後面數目都系百份率~啫係話100%就係原大~想橫寬都放大一倍就兩個都輸入200~應該明了啩?~
4/ 想旋轉張圖就同時㩒［Ctrl］同［R］~打開後自然會識做~唔再多講~
5/ 好多時編輯啲圖~最經常用嘅就係加幾隻字或者畫嘢~加字就簡單啦~【畫圖】左邊嗰行工具欄度有個大大嘅A字~點佢~再喺你要加字嘅地方點一點~就可以打字啦~打完之後將滑鼠放喺個輸入框右下角就可以任意拉大拉細拉長拉短~噉就可以將所有字按照一定範圍收埋~不過一定要諗清諗楚一步到位啊~因為一點咗其他地方就算編輯完成~冇得改㗎啦~
6/ 畫圈圈/畫直綫重簡單~就用頭先加文字工具嘅上面嗰個刷子工具~點咗之後下面會出現圓/方/左斜/右斜嘅筆觸畀你揀~最下面可以揀顏色~呢樣好簡單~自己摸索下就識了~
7/ 再補充補充先~如果想畫更多更得意嘅圖符~可以用工具欄上面噴槍啊~矩形啊~多邊形啊之類嘅工具~自己玩下啦~玩下就明㗎啦!
一 如果你嘅電腦冇任何圖片編輯軟件......
點解要用Photoshop來做例呢?~因為啊啦發現幾傻瓜嘅人電腦入面都有可能裝有Photoshop~人人都愛美嘛~人人都想乜都整靚啲嘛~人人都想學下玩下搞下嘢嘛~唉~學設計嘅冇得撈啦~(離題添!~)
1/ 唔好問點解~總之同時㩒［Ctrl］鍵同［N］鍵~唔使理佢講乜㩒［Enter］之後同時㩒［Ctrl］鍵同［V］鍵~複製幅圖落去啦!
2/ 睇到張圖就OK啦!~以下將會講到放大/縮小/旋轉張圖片同畫標注~啊啦習慣用組合鍵~所以喺度就講點用鍵盤控制啦!~而且會快過用滑鼠點來點去~
3/ 要改圖片大小~依次㩒［Alt］［I］［I］就彈出一個【圖像大小】嘅對話框~剔最底底【約束比例】同【重定圖像圖元】~改【圖像大小】入面啲數就得了~呢個係修改圖片檔大小嘅方法~如果只要修改就噉睇嘅大小(用於QQ截圖)重簡單~㩒［Z］用放大鏡工具點圖就放大~㩒住［Alt］鍵點圖就縮小
4/ 想旋轉張圖就依次㩒［Alt］［I］［E］［A］~打開後自然會識做~都唔細講了~
5/ 好多時編輯啲圖~最經常用嘅就係加幾隻字或者畫嘢~加字就簡單啦~左邊嗰行工具欄度有個大大嘅T字~點佢~再喺你要加字嘅地方點一點~就可以打字啦~打完之後同時㩒［Alt］同［A］再同時㩒［Ctrl］同［T］~就會出現一個字體調板~可以調字體\大小\顏色等等~再寫其他字喺其他地方就喺其他地方點一點就得了~編輯完如果覺得重要改~就點返要改嗰行字入去修改~
6/ 畫圈圈/畫直綫重簡單~可以用［B］(筆)\［J］(噴槍)\［G］(填色)\［U］(幾何圖形)等工具~點咗之後點用就唔詳細講了~需要講明嘅係如果你啱啱做完加字嗰個步驟~要畫嘢就肯定唔得~因為重喺文字圖層~唔可以畫嘢~解決方法有:點一點圖層面板(想知邊個係圖層面板~依次㩒［Alt］同［W］［L］~如果發覺少咗啲嘢就再㩒多次~彈返出來嗰個就圖屋面板嘞!)下面右手邊第二個制~新建一個圖層~就可以開始畫啦!
7/ Photoshop入面有好多嘢玩~電腦基礎好嘅可以自己玩下~唔多掂就問下人~好易明㗎!~
Yucky.
2005/10/13
这是一份不会用电脑或不会英文的人都可以看的明白的教程~如果你不会看中文~那就爱莫能助了~
看不明白广州话方言的朋友~可以来这里查查或直接问我~看不懂英文的也可以从这里查或者问我~
呢份係一份完全傻瓜教程~嘻嘻~唔識英文唔識電腦網路術語嘅人都包識睇!~ 唔識睇廣州話嘅可以一邊查呢度一邊學!~
用呢舊嘢嘅前提係IE6或更高版本~唔支持中文版本~所有選項包括提示只顯示英文~唔識英文嘅可以一邊查呢度一邊學!~
注:〖屏幕上嘅掣〗『點擊鼠標右鍵』 ［鍵盤按鈕］ [IE浏覽器上標誌]
一 HTML模塊使用教程
HTML模塊有乜用?
HTML模塊畀用戶用一個自定義模塊~only one㗎咋!~所以用之前~最好先諗清諗楚要加啲咩嘢!~喺呢個模塊入面~您可以隨心所欲噉用HTML來排版\個性化\加插圖等等等等等等...
點添加HTML模塊?
1. 登陸您個MSN Spaces~進入編輯狀態~點擊菜單栏右邊〖設置〗(〖Setting〗) 隔籬嘅〖自定義〗(〖Customize〗)~即係頁面右上方~
2. 喺IE浏覽器 [地址] 欄 [Address bar] 的URL屘屘係唔係 [乜乜乜_c=BlogPart&_c02_owner=1] 噉呢?~係就啱了~喺佢後面添加參數 [&powertoy=sandbox] 㩒［Enter］或點擊轉到 [Go]
3. 等佢自動刷新完頁面後~點擊中間嗰個〖模塊〗(〖Modules〗)~跟住出現嘅清單入面有〖PowerToy: Custom HTML〗項~點〖添加〗(〖Add〗)
4. 見到多咗舊嘢未呢?~見到就恭喜你啦!!!~再點返〖自定義〗(〖Customize〗)下面嗰個〖保存〗(〖Save〗) 就OK喇!
點用HTML模塊?
1. HTML文本框 (非RTE) 喺度輸入代碼~如果唔識代碼~可以去〖網絡日誌〗度按照常規編輯~搞掂嗮之後點編輯欄上面嘅〖HTML〗~copy嗮啲代碼就得了~~不過~好賤格!~唔可以超過512個字莭~不過~有辦法~有部分代碼係可以折減嘅~詳細點減~問我啦~~如果你要加字都重可以~建議冇必要就唔好加圖~~因為啊啦發覺重有一樣嘢好賤格~加圖唔可以係外聯嘅圖~一定要MSN Spaces相冊入面嘅圖~所以如果你想加圖就首先要將嗰幅圖上傳咗上相冊~再copy段代碼~相冊圖片地址好長㗎!~扼字數啊!~(至於要點獲取圖片位址~再插一插講啦: 右鍵點擊幅圖~揀 [屬性(P)] ~ [地址(URL)] 嗰段就了~全部選嗮佢啦!~OK?~再點多次右鍵~揀 [複製(C)] ~搞掂!~)
2.〖Module Name TextBox〗係模塊標題~即係個名啊~唔使多講啰呵~(噉都重要解悉嘅話~啊啦奉勸你一句~MSN Spaces唔啱你玩)
3.〖Show Border CheckBox〗係揀顯唔顯示邊框嘅~如果唔要個框框~噉就會連上面嗰項模塊名都唔顯示㗎嘞~自己權衡下係唔係用邊框~視覺效果會好啲
4. 搞掂嗮後點下邊嘅〖Save〗按鈕保存~後悔嘅話點〖Revert〗按鈕回復到上一次保存嘅狀態~
二 界面設計模塊使用教程
界面設計模塊有乜用?
界面設計模塊允許畀你一個自己隨意調整個MSN Spaces的文字顏色\背景色闃礫𡃈嘞嘅琳什嘢~所用顏色全部都用3個兩位元十六進位正整數輸入~有Photoshop嘅話可以用Photoshop嘅拾色器查~亦可以點呢度查~
點添加界面設計模塊?
1. 登陸您個MSN Spaces~進入編輯狀態~點擊菜單栏右邊〖設置〗(〖Setting〗) 隔籬嘅〖自定義〗(〖Customize〗)~即係頁面右上方~
2. 喺IE浏覽器 [地址] 欄 [Address bar] 的URL屘屘係唔係 [乜乜乜_c=BlogPart&_c02_owner=1] 噉呢?~係就啱了~喺佢後面添加參數 [&powertoy=tweakomatic] 㩒［Enter］或點擊轉到 [Go]
3. 等佢自動刷新完頁面後~點擊中間嗰個〖模塊〗(〖Modules〗)~跟住出現嘅清單入面有〖PowerToy: Tweak UI〗項~點〖添加〗(〖Add〗)~下次如果删除咗~啲嘢就冇嗮啦~
4. 見到多咗舊嘢未呢?~見到就恭喜你啦!!!~再點返〖自定義〗(〖Customize〗)下面嗰個〖保存〗(〖Save〗) 就OK喇!
點用界面設計模塊?
1.〖Background Color〗係背景色~包括內部〖Inner〗同外部〖Outer〗
A. 內部〖Inner〗Spaces內部每舊嘢之間嘅顏色~
B. 外部〖Outer〗Spaces右邊空白處嘅顏色(大背景色)~
2. 背景圖片〖Background Image〗依據各個〖主題〗(〖Theme〗)不同有啲唔同~有啲是有背景有些啲冇背景圖片嘅~冇嘅話呢一part可以飛~對於有背景圖片嘅我們可以:
A. 位置〖Position〗Spaces背景圖片嘅位置~依次為默認〖Default〗~左上〖Top Left]〗~中上〖Top Center〗~右上〖Top Right]〗~左中〖Center Left〗~中中〖Center Center〗~右中〖Center Right〗~左下〖Bottom Left〗~中下〖Bottom Center〗~右下〖Bottom Right〗~
B. 重複〖Repeat〗Spaces背景圖片嘅重複方式~即係好似Windows桌面牆紙中央\平鋪\拉伸噉上下啦~重複相當於平鋪~呢度有默認〖Default〗~重複〖Repeat〗~唔重複〖No Repeat〗~縱向重複〖Repeat-Y〗~橫向重複〖Repeat-X〗~如果背景是大圖片就唔使重複~細圖片~重唔重~你喜啦!~~總體來講~好睇就得啦!~
C. 顯示〖Display〗顯唔顯示背景圖片~默認〖Default〗係顯示嘅~隱藏〖Hide〗就唔顯示~覺得自己好長氣添~
3. 文字顏色〖Font Color〗
A. 鏈接/鏈接圖示〖Links/Bullets〗所有超鏈接同鏈接符號嘅顏色~
B. 文字〖Text〗所有非鏈接普通文本嘅顏色~
4. 模塊背景〖Module Background〗
A. 顏色〖Color〗每個模塊嘅背景色~
B. 透明度〖Transparent〗毎個模塊背景嘅透明度~設置20-100嘅整數值~分別為20%-100%不透明~用起身對整體視覺衝擊比較大~但要注意佢係連啲字都透明埋~所以唔好設太高啊!~
5. 模塊邊框〖Module Borders〗
A. 寬度〖Width〗各個模塊邊框嘅寬度~可以設0-9~啊啦建議設0或1或2就好嘞~搞得太粗邊~好鬼死難睇㗎~唔信試下設9~核突到嚇死你~
B. 風格〖Style〗各個模塊邊框嘅風格設置~幼線就設成點都唔多覺~組線先睇得出有咩唔同~依次有默認〖Default〗~無(唔顯示邊框~〖None〗~點點〖Dotted〗~虛線〖Dashed〗~實線〖Solid〗~雙實線〖Double〗~凹按鈕〖Groove〗~凸按鈕〖Ridge〗~〖Inset〗~〖Win-inset〗~〖Outset〗~差唔多一個死款~唔講了~
C. 顏色〖Color〗每舊模塊邊框嘅顏色~
6. 搞掂嗮後點下邊嘅〖Save〗按鈕保存~後悔嘅話點〖Revert〗按鈕回復到上一次保存嘅狀態~
三 視頻音樂模塊使用教程
視頻音樂模塊有乜用?
視頻音樂模塊可以發佈視頻\音樂嗰啲嘢~注意視頻\音樂版權問題~make sure你部腦裝咗Windows Media Player播放器先~Real[One] Player同QuickTime插件唔支持~衹支持WMA, WMV, WAV, AVI, MPG, MPEG, MP3~冇得睇Flash~唉~~~
點添加視頻音樂模塊?
1. 登陸您個MSN Spaces~進入編輯狀態~點擊菜單栏右邊〖設置〗(〖Setting〗) 隔籬嘅〖自定義〗(〖Customize〗)~即係頁面右上方~
2. 喺IE浏覽器 [地址] 欄 [Address bar] 的URL屘屘係唔係 [乜乜乜_c=BlogPart&_c02_owner=1] 噉呢?~係就啱了~喺佢後面添加參數 [&powertoy=musicvideo] 㩒［Enter］或點擊轉到 [Go]
3. 等佢自動刷新完頁面後~點擊中間嗰個〖模塊〗(〖Modules〗)~跟住出現嘅清單入面有〖PowerToy: Windows Media Player〗項~點〖添加〗(〖Add〗)
4. 見到多咗舊嘢未呢?~見到就恭喜你啦!!!~再點返〖自定義〗(〖Customize〗)下面嗰個〖保存〗(〖Save〗) 就OK喇!
點用視頻音樂模塊?
1. URL文本框〖URL Textbox〗喺呢度輸入你想要播放嘅音樂/視頻鏈接地址~拿拿拿~唔好貼啲核突嘢啊!!
2. 起始播放秒數〖Position in sec Textbox〗輸入整數~單位秒~代表播放開始時間~可以唔理佢~
3. 播放次數〖Times to play Textbox〗都係輸入整數~冇得揀無限次~想播多啲?~入個100落去睇下人哋有冇心機聽~
4. 播放速率〖Rate to play Textbox〗輸入整數或小數都得~即係輸入幾大嘅數就按幾倍播~不過啊啦建議唔好搞噉多嘢啰~
5. 自動播放〖Auto Start CheckBox〗選擇就即係話人哋一打開你個Spaces就自動播放~
6. 顯示模式〖Display Mode Selector〗
A. 不可見〖Invisible〗選擇呢個模式~隱藏成舊嘢~一般用喺播放音樂嗰陣~建議剔〖Auto Start CheckBox〗~如果唔係就唔會自動開始~
B. 無〖None〗唔顯示播放器控制欄~建議剔埋〖Auto Start CheckBox〗或者〖Right Click Menus Checkbox〗~如果唔係都唔會自動開始~
C. 迷你〖Mini〗隱藏一部分播放器控制欄~如進度條快進\快退啊~前一段\後一段啊~不過基本够用!~
D. 完全〖Full〗顯示嗮所有播放器控制欄~
7. 右鍵功能表〖Right Click Menus Checkbox〗剔咗表示允許播放器右鍵功能表~可以從中揀播放或其他屬性~唔揀就冇~可以初級隱藏播放檔的位址(當然啦~可以喺原始檔案度睇翻~)
8. 搞掂嗮後點下邊嘅〖Save〗按鈕保存~後悔嘅話點〖Revert〗按鈕回復到上一次保存嘅狀態~
學識未呢?~係唔係覺得個面板正咗好多呢?~有咩問題再問我啦~主頁有啊啦嘅聯繫方式~
Yucky.
ツール 
